Պաստոր Բրանսոնին չազատելու դեպքում ԱՄՆ-ն Թուրքիայի դեմ պատժամիջոցներ կսահմանի. Սպիտակ տուն

Միացյալ Նահանգները Թուրքիայի դեմ պատժամիջոցներ կսահմանի, եթե ամերիկացի պաստոր Էնդրյու Բրանսոնը չազատվի: Սպիտակ տան պաշտոնական ներկայացուցիչ Հոգան Հիդլին լրագրողների հետ հանդիպմանն այսպես է մեկնաբանել ԱՄՆ նախագահ Դոնալդ Թրամփի հայտարարությունը, փոխանցում է ՏԱՍՍ-ը:

«Նախագահը սպասում է, թե պաստորը երբ կվերադառնա ԱՄՆ: Եթե դա տեղի չունենա, նրանք կարող են սպասել պատժամիջոցների սահմանում»,- նշել է նա:

Հինգշաբթի ԱՄՆ վարչակազմի ղեկավարը հայտնել էր, որ Վաշինգթոնը Թուրքիայի դեմ «նշանակալի պատժամիջոցներ» կմտցնի ամերիկացի պաստորին կալանված պահելու համար: Սական մինչ այս հայտարարությունը փոխնախագահ Մայքլ Փենսը նշել էր, որ ԱՄՆ իշխանությունները Անկարայի դեմ սահմանափակումներ կմտցնեն այն դեպքում, եթե Բրանսոնը չազատվի:

Իզմիրի շրջանում բնակվող բողոքական պաստորը կալանավորվել է 2017 թվականին: Նրան մեղադրում են Թուրքիայում արգելված Քուրդիստանի աշխատվորական կուսակցության եւ գյուլենականների հետ կապերի մեջ: Գյուլենին Անկարան համարում է 2016-ին ձեռնարկված պետական հեղաշրջման փորձի կազմակերպիչ:

https://news.am/arm/news/463772.html