Դիարբեքիրում պարետային ժամ է հայտարարվել, թուրքական ԶՈւ-ն այստեղ պատրաստվում է քուրդ զինյալների դեմ հատուկ գործողության

Թուրքիայի Դիարբեքիր նահանգի Քուլփ շրջանում փողոց դուրս գալու արգելք է սահմանվել. թուրքական ԶՈւ–ն այստեղ պատրաստվում է քուրդ զինյալների դեմ հատուկ գործողության, հաղորդում է թուրքական Էվրենսել պարբերականը։

Նշվում է, որ թուրքական օդուժն այս տարածքում պատրաստվում է ոչնչացնել «Քրդստանի աշխատավորական կուսակցություն» (ՔԱԿ-1978 թվականին հիմնադրել է Աբդուլլահ Օջալանը) խմբավորման գրոհայինների մի շարք ռազմավարական դիրքեր, ինչպես նաև թաքստոցներ և զինանոցներ։ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն: Թուրք-քրդական հարաբերությունների սրման հերթական փուլը սկսվել է 2015-ի ամռանը:

http://shamshyan.com/hy/article/2018/07/25/1101648/