Պատմական եկեղեցին թողնվել է բախտի քմահաճույքին

Նուրեթթին Էրյըլմազ

Գեյվեյում գտնվող 1800-ական թթ. կառուցված պատմական եկեղեցին անուշադրության է մատնված, ինչի պատճառով գնալով ավերվում է:

Սաքարիայում պատմական հուշարձանների քանակն այնքան քիչ է, որ կարելի է հաշվել ձեռքի մատների վրա: Գոյություն ուեցող արժեքներին էլ, ցավոք սրտի, անհրաժեշտ ուշադրություն չի դարձվում: Գեյվեյի Հոջալար թաղամասում գտնվող երկդարյա պատմություն ուենցող Սուրբ Սարկիսյան  եկեղեցին էլ այդ հուշարձաններից մեկն է: Իր անմխիթար վիճակով ուշադրություն գրավող եկեղեցին գանձագողերի թիրախում է հայտնվել:

Զարգացնենք զբոսաշրջությունը

Գեյվեի կիրճի բնական հարստությունների պահպանման միության ղեկավար Քամուրան Թանը տեղեկացնում է, որ  պատմական եկեղեցին գնալով ավերվում է և ավելացնում է, որ  Սաքարիայի մարզի մշակույթի ու տուրիզմի տնօրինությունը ինչքան հնարավոր է շուտ պետք է քայլեր ձեռնարկի: Թերթին տված հարցազրույցում նա մասնավորապես նշել է.«Ցանկանում ենք, որ տարիներ շարունակ լքված եկեղեցին դառնա զբոսաշրջային վայր: Աշխարհում նմանատիպ պատմական կառույցները զբոսաշրջիկներին շատ են գրավում, իսկ զբոսաշրջություն ասելով` հասկանում ենք տնտեսության աշխուժացում: Պատմական այս կառույցը պաշտոնյաները չպետք է թողնեն գանձագողերի հայեցողությանը, քանի որ նրանք  չեն քնում, թալանում եմ այն»:

http://www.sanalbasin.com/tarihi-kilise-kaderine-terk-edildi-26079297

Թարգմանեց Անի Մելքոնյանը

Akunq.net