Վաքըֆների գլխավոր տնօրինության կազմում գտնվող Վաքըֆների ժողովի որոշումը սկիզբ դրեց Վաքըֆների գլխավոր տնօրինության ղեկավարության տակ գտնվող եկեղեցիների, սինագոգիների և նման այլ սրբավայրերի անվճար տրամադրմանը համապատասխան կրոնական վաքըֆներին(հիմնադրամ):
Որոշման շրջանակներում առաջինը Ստամբուլի Թաքսիմ հրապարակում գտնվող Sacre Coeur (Սրբազան սիրտ) ասորական կաթոլիկ եկեղեցին հանձնվեց ասորական եկեղեցու վաքըֆին` 49 տարի անվճար հիմունքներով:
Ինչպես հաղորդում է Հյուրիեթ թուքական պարբերականը, Վաքըֆների գլխավոր տնօրեն Ադնան Էրթեմը որոշմից հետո արած հայտարարության մեջ ասել է. «Ազգային փոքրամասնությունների հետ կապված բոլոր դրական նախաձեռնությունները կնպաստեն Եվրոպայի աչքում Թուրքիայի հեղինակության բարձրացմանը»:
Ստամբուլի ասորական կաթոլիկ եկեղեցու վաքըֆի ղեկավար Զեքի Բասաթեմիրն էլ նշել է, որ շատ ուրախ է ընդունված որոշման համար և ավելացրել է. «Պայմանագիրը ստորագրելիս և’ ուրախություն զգացի, և’ հիշեցի անցյալը, հուզվեցի: Եկեղեցին 21 տարի առաջ Գանձատնից գնել էինք, ուրախացել, իսկ երբ 2003 թ. կորցրեցինք այն, տխրել էինք: Հիմա շատ ուրախ ենք: Աստված օրհնի մեր պետությունը»:
Թարգմանեց Անի Մելքոնյանը
Akunq.net
Leave a Reply