Գերմանիայի իշխանություններն արգելել են թուրքական Osmanen Germania անունով կազմակերպությունը՝ հայտարարելով, որ այն ներգրավված է լուրջ հանցագործության մեջ, փոխանցում է BBC-ն:
Խումբը նույնականացվում է թուրքական ազգայնականության հետ, աջակցում է «մաչո-բոքս»-ին եւ բայքերների մշակույթին, եւ, ինչպես հաղորդվում է, մոտ է Թուրքիայի իշխող Արդարության եւ զարգացման կուսակցությանը:
Խմբի գրասենյակներում խուզարկություններ են անցկացվել: Գերմանիայի Ներքին գործերի նախարարությունը հաղորդում է, որ «խումբը եւ դրա բոլոր գործողություններն արգելված են»: Ոստիկանությունը կարծում է, որ խմբում առնվազն 300 անդամ կա:
Ներքին գործերի նախարար Հորստ Զեյեհոֆերը հայտարարել է, որ «նա, ով մերժում է օրենքի գերակայությունը, չի կարող մեզնից ներողամտության արժանանալ»: Նրա խոսքով՝ Osmanen Germania «ռոքերական տիպի» խմբերին է պատկանում, որոնց անդամները լուրջ հանցագործություններ են գործում:
Leave a Reply