Կարսում հայկական եկեղեցիներից մեկը վերստին ենթարկվել է գանձագողերի ավերածություններին

Կարսում գանձագողերը փորել են հայկական պատմական եկեղեցին, որի պատերին չքանդված մաս չի մնացել: Այդ մասին, ըստ Akunq.net-ի, հաղորդում է “Habertürk”-ը: Թեև թուրքական լրատվամիջոցը չի տալիս եկեղեցու անունը, սակայն խոսքն ամենայն հավանականությամբ վերաբերում է Կարմիր վանքին կամ Դպրևանքին:

Աղբյուրի փոխանցմամբ` Կարս քաղաքից մոտ 13 կմ հեռավորության վրա գտնվող Մեզրա գյուղի եկեղեցին ենթարկվել է գանձ որոնողների ավերածություններին: Նշվում է, որ եկեղեցու պատերը քանդված են, իսկ ներսի հատվածը և շուրջը բազմաթիվ փոսեր են փորված: Թուրքական լրատվամիջոցն ահազանգում է, որ գանձախույզերի կողմից ավերված այս եկեղեցին լիովին անհետանալու վտանգի տակ է գտնվում:

Akunq.net