Թուրքիայում կչեղարկվի արտակարգ դրության ռեժիմը. ԶԼՄ

Մոտ ժամանակներս Թուրքիայում կչեղարկվի արտակարգ դրության ռեժիմը, որը երկրի տարածքում հաստատվել էր 2016 թ. հուլիսին տեղի ունեցած ռազմական հեղաշրջման փորձից հետո: Այս մասին հայտարարել է Թուրքիայի վարչապետ Բինալի Յըլդըրըմը:

Հուլիսի 9-ին հայտնի կդառնա Թուրքիայի նոր կառավարության կազմը, ինչի կապակցությամբ կավարտվի արտակարգ դրության ռեժիմը: Թուրք վարչապետը, արձագանքելով երկրի բնակիչների՝ կառավարության կողմից ձեռնարկված միջոցառումների նկատմամբ քննադատությանը, հիշեցրել է, որ ժամանակին Ֆրանսիան ահաբեկչությունից հետո երկրում 719 օրով արտակարգ դրության ռեժիմ է հաստատել:

Հիշեցնենք, որ հեղաշրջման փորձից հետո՝ 2016 թ. հուլիսի 20-ին, Թուրքիայի նախագահը երեք ամիս ժամկետով արտակարգ դրության ռեժիմ էր հաստատել: Այն մինչ օրս գործում է: Քանի դեռ Թուրքիայում արտակարգ դրության ռեժիմ է հաստատված, սահմանափակումներ են սահանվել հանրահավաքների և որոշ զանգվածային միջոցառումների համար, ուժային կառույցներն առավել լայն իրավունքներ են ստացել:

http://www.ankakh.com/article/100009/thurqiayum-kchyegharkvi-artakarg-druthyan-rryejime–zlm