Երուսաղեմի հրեաները մտահոգություն են հայտնել հակասեմիտիզմի աճի կապակցությամբ, գրում է Jerusalim Post-ը: «Հրեա նշանակում է« ստախոս», «հրեան մարդ է, ով հարվածում է մեջքից», «հրեա թույլերին սպանող վախկոտն». այսպիսի գրություններ են արվել Ստամբուլի տարրական դպրոցներից մեկում:
Պարբերականի փոխանցմամբ՝ Իսրայելի եւ Թուրքիայի միջեւ ճգնաժամը ոչ միայն անդրադարձել է զբոսաշրջիկներին, ովքեր մատչելի հանգիստ են փնտրում, այլ նաեւ՝ մուսուլմանական մեծամասնության մեջ ապրող հրեական համայնքին:
Այսօր Թուրքիայի հրեական համայնքը հակասեմական հալածանքների է ենթարկվում՝ Իսրայելի եւ հրեա ժողովրդի դեմ հասարակական կարծիք ձեւավորելու փորձերի միջոցով: Այդ պատճառով Թուրքիայում հրեաների բարօրության կապակցությամբ մտահոգություններն աճում են, քանի որ պատմությունը ցույց է տալիս, որ հակասեմական սպանությունները տեղի են ունենում շարունակական հալածանքներից հետո:
Համաշխարհային սիոնիստական կազմակերպության ներկայացուցիչների խոսքով՝ վերջին շրջանում Թուրքիայի նախագահի գլխավորությամբ թուրք պաշտոնյաների կողմից Իսրայելի եւ հրեա ժողովրդի դեմ ելույթները սաստկացել են: Ասածի ապացույցն են Ստամբուլի դպրոցներից մեկում արված գրառումները:
Համաշխարհային սիոնիստական կազմակերպության փոխնախագահ եւ հակասեմականության բաժնի ղեկավար Յաակով Հագոելը հայտարարել է. «Ես ձեռք եմ մեկնում Թուրքիայում հրեական համայնքին եւ կոչ եմ անում ամուր կերպով դիմակայել հրեա ժողովրդի եւ Իսրայելի պետության դեմ զրպարտությանը»:
Leave a Reply