Գերմանիայի խորհրդարանի՝ ծագումով թուրք պատգամավոր Ջեմ Օզդեմիրն անդրադարձել է Թուրքիայում անցկացված նախագահական և խորհրդարանական ընտրությունների արդյունքներին։ Նա նշել է, որ այս ընտրությունների արդյունքները չեն կարող նպաստել Թուրքիայի և Եվրամիության հարաբերությունների բարելավմանը։
«Մենք մեր դիրքորոշումից հետ չենք կանգնելու։ Եվրամիության անդամ դառնալ ցանկացող երկիրը պետք է հավատարիմ մնա որոշ արժեքների, Իսկ Թուրքիան դա չի անում։ Կարծում եմ՝ այս ընտրություններից հետո Գերմանիայի և Թուրքիայի հարաբերություններն էլ ավելի կվատթարանան», – նշել է Օզդեմիրը։
Թուրքական լրատվամիջոցը Բունդեսթագի պատգամավորի այս խոսքերը որակել է որպես նենգ հայտարարություն՝ հիշեցնելով, որ Օզդեմիրը նախընտրական փուլում բացահայտորեն աջակցում էր և կոչ էր անում քվեարկել քրդամետ ընդդիմադիր Ժողովուրդների դեմոկրատական կուսակցության (ԺԴԿ- HDP) օգտին։
Ermenihaber.am
Leave a Reply