Պոլսի հայոց պատրիարքի փոխանորդ Արամ արքեպիսկոպոս Աթեշյանը շնորհավորել է Ռեջեփ Թայիփ Էրդողանին նախագահական ընտրություններում տարած հաղթանակի համար:
Պոլսո պատրիարքությունը հրապարակել է շնորհավորանքի տեքստը, որում ասվում է.
«Վսեմաշուք Տիար նախագահ,
Այսօր կատարված ընտրությունները Թուրքիայի նոր հանգրվանի սկիզբն են ժողովրդավարության արշավում։ Որպես մեր հայրենակիցների ցուցաբերած անխախտ վստահության եւ սիրո արդյունք` Ձերդ վսեմությունն անվիճելի առաջնորդի եւ հերոսի դիրքի վրա է։ Մեր երկրի ժողովրդավարությունը նոր դարասկիզբներ առաջնորդող նախագահիդ սույն պաշտոնի վերընտրությունը ուրախությամբ ողջունում եւ ի սրտ շնորհավորում ենք:
Մաղթում ենք, որ հանրապետական կառավարման դրությունը, որն այս ընտրությամբ լիապես մուտք է գործել մեր երկրում, բարեբեր թող լինի։
Հույս ունենք, որ Ձերդ վսեմության նախագահությամբ, այս նոր վարչակարգով մեր երկրի փոքրամասնությունների հարցերն ավելի արագ լուծման կհանգեն: ժողովրդավարության արձանագրած առաջընթացը Ձերդ վսեմության հասցեին ազգային կամքի ցայտուն իրականացում ենք ընդունում՝ ժողովրդի յուրաքանչյուր խավի անդամի համահավասար հայրենակցական իրավունքների որպես առանց խտրության ապահովության երաշխիքը։
Վսեմաշուք տիար նախագահ՝
Ընտրության սույն հաղթանակի դիմաց, եւս մեկ անգամ սրտանց շնորհավորում ենք Ձեզ։ Իմացեք, որ մեր հոգեւորականների եւ համայնքի աղոթքները Ձեզ հետ են։
Տերը օգնական թող լինի»:
Leave a Reply