Թուրքիայի արտահերթ ընտրությունների արտերկրյա քվեարկությունն ավարտված է

Թուրքիայում հունիսի 24-ին կայանալիք խորհրդարանական և նախագահական արտահերթ ընտրությունների արտերկրյա քվեարկությունն ավարտվել է։ Այն մեկնարկել էր հունիսի 7-ից։

Ընտրություններին մասնակցել է արտերկրում բնակվող Թուրքիայի 1մլն 357հզ 676 քաղաքացի: Քվեարկությունը տեղի է ունեցել 60 երկրում։

Քվեատուփերն արդեն ուղարկվել են Անկարա։ Դրանց արդյունքները հայտնի կդառնան հունիսի 24-ից հետո, երբ ավարտված կլինի նաև հիմնական քվեարկությունը Թուրքիայում։

Ամենամեծ մասնակցությունը եղել է Բելգիայում (82.423 մարդ կամ 57 տոկոս)։ Շվեյցարիայում քվեարկել է տեղի թուրքերի 56 տոկոսը։ Իսկ Գերմանիայում ընտրություններին մասնակցել է քվեարկության իրավունք ունեցող թուրքերի 49 տոկոսը:

Աղբյուր` Haber7

Ermenihaber.am