Դինքի սպանության գործով կասկածյալ երկու ոստիկան ազատ է արձակվել

Ստամբուլի հայկական «Ակօս» պարբերականի հիմնադիր Հրանտ Դինքի սպանության գործով հերթական դատական նիստում որոշում է կայացվել պայմանական ազատ արձակել երկու կասկածյալի:

Ինչպես հաղորդում է «Արմենպրես»-ը՝ վկայակոչելով «Ակօս»-ը, պայմանական ազատ են արձակվել Դինքի սպանության ժամանակ Սամսունի ոստիկանության աշխատակից Յաքուփ Քուրթարանն ու Տրապիզոնի ոստիկանության հետախուզական բաժնի աշխատակից Օզքան Մումջուն:

Ստամբուլի ծանր հանցագործությունները քննող դատարանի կայացրած վճռով կասկածյալներին արգելվել է երկրից դուրս գալ: Նրանք կմասնակցեն հետագա հարցաքննություններին ու դատական նիստերին:

https://armenpress.am/arm/news/937270.html