«Ժամանակն է վերադարձնել Տիգրանակերտը»․ ընտրողների ակնկալիքները Կարո Փայլանից

Կարո Փայլանի բաժանորդները սոցիալական կայքերում ասում են, որ առաջիկա ընտրություններում քրդամետ կուսակցության հաղթանակը հնարավորություն կտա Դիարբեքիրին վերադարձնել իր պատմական անվանումը։

ԵՐԵՎԱՆ, 10 հունիսի — Sputnik. Թուրքիայի խորհրդարանի պոլսահայ պատգամավոր, քրդամետ ընդդիմադիր Ժողովուրդների դեմոկրատական կուսակցության (ԺԴԿ) ներկայացուցիչ Կարո Փայլանը հանդիպել է Դիարբեքիրի ընտրողների հետ։

Հիշեցնենք` հունիսի 24-ին Թուրքիայում արտահերթ խորհրդարանային ու նախագահական ընտրություններ կանցկացվեն։ Հայ պատգամավորը Դիարբեքիրից իր թեկնածությունն է ներկայացրել։ Փայլանը հանդիպել է քաղաքի բնակիչների հետ, նրանց փոխանցել է  ազատազրկման մեջ գտնվող Ժողովուրդների դեմոկրատական կուսակցության առաջնորդ Սելահաթթին Դեմիրթաշի ողջունները։

Instagram-ի իր էջում քաղաքական գործիչը բնակիչների հետ հանդիպումից լուսանկարներ է տեղադրել ու մեկնաբանել է․ «Շարունակում ենք աշխատել ԺԴԿ-ի համար օրեկան 24 ժամ»։

Բաժանորդներից մեկը Փայլանին գրում է, որ Դիարբեքիրին իր պատմական անվանումը՝ Տիգրանակերտը, վերադարձնելու հնարավորություն է ընձեռվել։ Տիգրան Մեծի օրոք այն Մեծ Հայքի մայրաքաղաքն է եղել։

Ավելի վաղ ԺԴԿ-ի առաջնորդ Դեմիրթաշն ասել էր, որ Դիարբեքիրի բնիկները հայերն են:

© Sputnik / Asatur Yesayants

 https://armeniasputnik.am/region/20180610/12568387/turkia-paylan-tigranakert.html