Էրեն Քեսքին․ «Իմ դեմ 143 դատական գործ է հարուցված»

«Օզգյուր Գյունդեմ» պարբերականի դատական գործի շրջանակներում, դատական հանձնաժողովը վճռեց ուժի մեջ թողնել Էրեն Քեսքինի` երկրից դուրս գալու արգելքն ու Քեմալ Սանջըլըի նկատմամբ կիրառված կալանքը։ Զարաքօլուի  ձերբակալման որոշումը չեղարկվեց։ Ֆիլիզ Քոչալիի կալանքի որոշումը շարունակվեց մնալ ուժի մեջ։
«Օզգյուր Գյունդեմ»-ի հիմնական գործով  9 անձի դատական լսումը շարունակվեց Չաղլայանում գտնվող Ստամբուլի դատարանի 23-րդ քրեական դատարանում։
Ահմեթ Ուղուզի ղեկավարած դատարանի կազմը, ընդմիջումից հետո, վճռեց չեղարկել Ռագըփ Զարաքօլուի վերաբերյալ ընդունված կալանավորման որոշումը։ Իսկ Ֆիլիզ Քոչալիի նկատմամբ կիրառված կալանավորման վճիռը թողնվեց ուժի մեջ։
Փաստաբան Քըլըչի կողմից Էրեն Քեսքինի նկատմամբ երկրից դուրս գալու արգելը վերացնելու վերաբերյալ ներկայացված պահանջը մերժվեց։ Որոշում ընդունվեց ուժի մեջ թողնել Նեջմիյե Ալփային դատական նիստից հեռու պահելու և մայիսի 11-ին Էդիրնեում՝ Իփսալայում, ձերբակալված  Քեմալ Սանջըլըի նկատմամբ կիրառված կալանքը։
Հաջորդ դատական նիստը տեղի կունենա հոկտեմբերի 10-ին, ժամը՝ 09․45-ին։
Դատական գործով թերթի սյունակագիրների ու հրապարակումների խորհրդատվական խորհրդի անդամներ Ֆիլիզ Քոչալին, Ասլը Էրդողանը, Նեջմիյե Ալփայը, Ռագըփ Զարաքօլուն, գլխավոր խմբագիր Զանա (Բիլիր) Քայայն ու խմբագիր, տնօրեն Ինան Քըզըլքայան, սյունակագիր Էրեն Քեսքինը, Քեմալ Սանջըլըն և հրապարակումների խորհրդատվական խորհրդի անդամ Բիլգե Այքութի դատական գործով լսումներն էին։
Դատական նիստին մասնակցում էին Քեսքինը, Ալփայն ու Քըզըլքայան։  Դատական գործի շրջանակներում 440 օր ձերբակալվելուց հետո ազատ արձակված Քըզըլքայան տեղեկացրեց, որ այս փուլում որևէ պահանջ չունի, և ասաց, որ կրկնում է նախորդ հայտարարությունները։
Իսկ Էրեն Քեսքինն նշեց․«Ես մարդու իրավունքների պաշտպան եմ, փաստաբան։ Մարդու իրավունքների պաշտպանության միության համանախագահն եմ։ «Օզգյուր Գյունդեմ»-ը այս տարածքում ամենաշատ ճնշումների ենթարկված թերթն է, որի  պատճառով կամավոր իմ անունը գրել տվեցի որպես գլխավոր համախմբագիր։ Այստեղ տպագրված հոդվածների պատճառով 143 դատական գործ կա` հարուցված իմ դեմ։ Սա խոսքի ազատության, միջազգային ու Եվրոպայի մարդու իրավունքների պաշտպանության պայմանագրի կետերին հակասում է»։
«Օզգյուր Գյունդեմ» թերթի գլխավոր դատական գործով դատվող Քեմալ Սանջըլըն 2017 թ․ հունվարի 2-ին ձերբակալվել էր, իսկ հոկտեմբերի 31-ին տեղի ուենցած հինգերորդ դատական նիստում` ազատ արձակվել։ Սանջըլըն մայիսի 11-ին Էդիրնեում՝ Իփսալայում, կրկին կալանավորվել էր։
Սանջըլըն պահանջեց ազատ արձակել իրեն և ասաց․ «Օզգյուր Գյունդեմ»-ի գործով հետաքննության ժամանակ իմ ունեցվածքն ու հաշիվները բռնագրավվեցին, բանկերը  սկսեցին հետապնդել ինձ։ Պարտքերս վճարելու համար արտերկրում բնակվող ազգականս ինձ կանչեց։ Հավաստիացնում եմ, որ նման իրավիճակ այլևս չի կրկնվի»։
Սանջըլըի փաստաբան Օզջան Քըլըչն էլ նրան ազատ արձակելու պահանջ ներկայացրեց ու ասաց․ «Իմ պաշտպանյալն անընդհատ ստանում է պարտքերը վճարելու պահանջագրեր։ Ճնշումների է ենթարկվում։ Նա կհետևի Ձեր կողմից որոշված ցանկացած դատական վերահսկողության միջոցառումներին»։

(Bianet)

http://www.agos.com.tr/tr/yazi/20746/eren-keskin-143-davada-yargilaniyorum

Թարգմանեց Անի Մելքոնյանը

Akunq.net