Թուրք ազգայնականները այրել են Թուրքիայի քրդամետ կուսակցության դրոշը

Թուրքիայի Բոլու քաղաքում ընդդիմադիր քրդամետ Ժողովուրդների դեմոկրատական կուսակցության (ԺԴԿ-HDP) գրասենյակի վրա հարձակում է տեղի ունեցել:

Հարձակումն իրականացրել են Թուրքիայի ազգայնական Ülkü Ocaklar (Իդեալիստական օջախներ) կազմակերպության անդամները։

HDP-ի կողմնակիցները շենքի դիմաց կախած են եղել իրենց կուսակցության դրոշները, որ դուր չի եկել թուրք ազգայնականներին։ Վերջինները իջեցրել են կուսակցության դրոշները և հրկիզել։ Այնուհետև բախում է սկսվել թուրք ազգայնականների և HDP-ի կողմնակիցների միջև։

Աղբյուրը հաղորդում է, որ թուրք ազգայնականների մեջ է եղել նաև Թուրքիայի Ազգայնական շարժում կուսակցության (ԱՇԿ-MHP) պատգամավորի թեկնածու Ադեմ Էվջիլը։

Միջադեպին միջամտել են ոստիկանական ուժերը և դադարեցրել բախումը։

Ermenihaber.am