Թուրքիոյ փոխվարչապետ եւ կառավարութեան բանբեր Պեքիր Պոզտաղ յայտարարած է, որ թրքական զինեալ ուժերը որեւէ պահու կրնան գործողութեան սկսիլ Իրաքի հիւսիսը գտնուող Կորդուաց լեռներու շրջանին մէջ գործող քիւրտ զինեալներուն դէմ: Այս մասին կը հաղորդէ թրքական «Կազեթէտուվար» կայքը:
«Բոլորը գիտեն, թէ Քանտիլը (Կորդուաց լեռները, «Ա.») ահաբեկիչներու կեդրոնն է: Թուրքիան բազմիցս գործողութիւններ կատարած է Քանտիլի մէջ: Այսուհետեւ ալ կրնանք մուտք գործել Քանտիլ, որեւէ վայրկեան որեւէ բան կրնայ ըլլալ: Մենք պէտք է լաւ յիշենք, թէ ուր նոյնիսկ մէկ ահաբեկիչ եւ Թուրքիոյ նկատմամբ թէկուզ փոքրիկ վտանգ կայ` այդ տարածքը մեզի համար բացայայտ թիրախ է», ըսած է Պոզտաղ:
Leave a Reply