Սոցհարցում Թուրքիայում. քրդամետ կուսակցությունը կհաղթահարի ընտրական շեմը

ORC հետազոտական ընկերությունը սոցհարցում է անցկացրել հունիսի 24-ին Թուրքիայում կայանալիք նախագահական և խորհրդարանական ընտրություններին ընդառաջ:
Հարցմանը մասնակցել է ընտրելու իրավունք ունեցող 3410  քաղաքացի:

Ըստ արդյունքների՝ 53.4 տոկոսը նախագահական ընտրություններում քվեարկելու է գործող նախագահ Ռեջեփ Թայիփ Էրդողանի օգտին: Ընդդիմադիր քեմալական Ժողովրդահանրապետական կուսակցության թեկնածու Մուհարրեմ Ինջեն (CHP-ԺՀԿ) ստացել է հարցման մասնակիցների 23.8 տոկոսի աջակցությունը: Ազգայնական İyi (Լավ) կուսակցության առաջնորդ Մերալ Աքշեների թեկնածությունը պաշտպանել է 11.5 տոկոսը:

Քրդամետ ընդդիմադիր Ժողովուրդների դեմոկրատական կուսակցության (HDP-ԺԴԿ) նախկին համանախագահ Սելահաթթին Դեմիրթաշը, որն այժմ ձերբակալված է, վայելում է հարցվածների 8.7 տոկոսի աջակցությունը:

Խորհրդարանական ընտրությունների վերաբերյալ սոցհարցման արդյունքներով կրկին առաջատար է ներկայիս իշխանությունը: 52.8 տոկոսը ձայն է տալու Հանրապետական դաշինքին, որի մեջ ներգրավված են իշխող Արդարություն և զարգացում կուսակցությունը (AKP-ԱԶԿ) և Գորշ գայլեր ահաբեկչական խմբավորման քաղաքական թևը համարվող Ազգայնական շարժում կուսակցությունը (MHP-ԱՇԿ):

Իսկ Ազգ դաշինքը, որը կազմված է ընդդիմադիր 4 կուսակցություններից, ստացել է 35.6 տոկոսի աջակցությունը: Ըստ այս հարցման արդյունքների՝ ընտրական շեմը կհաղթահարի քրդամետ ԺԴԿ-ն: Այն ստացել է հարցվածների 10.9 տոկոսի քվեն:

Աղբյուր`    Demokrathaber

Ermenihaber.am

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

June 2018
M T W T F S S
 123
45678910
11121314151617
18192021222324
252627282930  

Արխիւ