Թուրքիայում դպրոցական քննական հարցաշարում հայերին որպես թշնամիներ են ներկայացրել

Թուրքիայի դասագրքերում եւ դպրոցական քննաշարերում շարունակվում են հայերի հանդեպ թշնամանք ու ատելություն սերմանող նյութերը։

Քրդական Ժողովուրդների դեմոկրատական կուսակցության ղեկավար կազմի հայ անդամ Մուրադ Մըհճըն Facebook–ի իր էջում տեղադրել է առաջիկա դպրոցական քննություններից մի հարց եւ դիմել իր ընկերներին. «Այս հարցին, որպես հայ կամ որպես ժողովրդավար անձ, ինչպե՞ս կպատասխանեիք»։

Նշված հարցը, որը վերաբերում է Մուդրոսի զինադադարի համաձայնագրին, ձեւակերպված է այս կերպ. «Մուդրոսի համաձայնագրով Այնթափը, Մարաշը եւ Ուրֆան անցան անգլիացիներին։ Սակայն անգլիացիներն էլ դրանք հանձնեցին ֆրանսիացիներին։ Այնուհետ ֆրանսիացիներն ու հայերը միասին սկսեցին այդ շրջաններում ապրող թուրքերի վրա ճնշում ու բռնություններ գործադրել»։

Հարցի պատասխանը ներքում նշված է հետեւյալ կերպ. «Օսմանյան իշխանության տակ գտնվող հայերը համագործակցում էին զավթիչ թշնամիների հետ»։

https://news.am/arm/news/454765.html