Թուրքիայի նախագահ Ռեջեփ Թայիփ Էրդողանը դատարան հայց է ներկայացրել ընդդիմադիր Ժողովրդահանրապետական կուսակցությունից (CHP-ԺՀԿ) նախագահի թեկնածու առաջադրված Մուհարրեմ Ինջեի դեմ: Գործող նախագահն Ինջեից նաև փոխհատուցում է պահանջում:
Դատական գործ հարուցելու համար հիմք է հանդիսացել Մուհարրեմ Ինջեի՝ հանրահավաքներից մեկի ժամանակ արած հայտարարությունը, թե Էրդողանը Արդարություն և զարգացում կուսակցությունը (AKP-ԱԶԿ) հիմնելուց առաջ այցելել է ԱՄՆ-ի Փենսիլվանիա նահանգ:
Նշենք, որ Փենսիլվանիա նահանգում բնակվող իսլամի հայտնի քարոզիչ Ֆեթուլլահ Գյուլենին Թուրքիայի իշխանությունները մեղադրում են 2016թ. հուլիսի 15-ին երկրում ռազմական հեղաշրջման փորձը կազմակերպելու մեջ:
Էրդողանն արձագանքել է Ինջեի պնդումներին՝ հայտարարելով, որ ընդդիմադիր գործիչը պարտավոր է ապացուցել իր խոսքերի ճշմարտացիությունը, հակառակ դեպքում նա վախկոտ է:
Աղբյուր` Milliyet
Ermenihaber.am
Leave a Reply