Էրդողանի առաջադրման դեմ բողոք են ներկայացրել նրա դիպլոմի կեղծ լինելու պնդմամբ

Թուրքիայի Ժողովրդի փրկության կուսակցությունը Թուրքիայի նախագահի թեկնածուներից Ռեջեփ Թայիփ Էրդողանը թեկնածությունը չեղարկելու համար դիմել է Բարձրագույն ընտրական խորհուրդ։

Թուրքական Diken պարբերականի փոխանցմամբ՝ Ժողովրդի փրկության կուսակցության դիմումի մեջ նշվել է, որ նախագահի թեկնածուն պետք է ունենա առնվազն չորսամյա բարձրագույն կրթություն, իսկ Էրդողանը չունի այն։

Դիմումի մեջ նշվել է, որ այն ուսումնական հաստատությունը, որտեղ որ սովորել է Էրդողանը, այն տարիներին երեքամյա կրթություն է ապահովել, այսինքն, Էրդողանի մոտ գտնվող 4–ամյա կրթության դիպլոմը կեղծ է, փոխանցում է News.am-ը:

Բացի թեկնածության չեղարկումը դիմումի հեղինակները պահանջել են քրեական գործ հարուցել կեղծ դիպլոմ ձեռք բերելու համար։

http://artsakhpress.am/arm/news/87043/erdoxani-arajadrman-dem-boxoq-en-nerkayacrel-nra-diplomi-kexts-linelu-pndmamb.html