Կիպրոսցիները համարում են, որ Բոսֆորը թուրքերից վերցնելու ժամանակն է

Կիպրոսում հրատարակվող թերթերից մեկի հոդվածն իրարանցում է առաջացրել թուրքական լրատվամիջոցներում։ Հոդվածում նշվում է, որ «եկել է ժամանակը, որ Կիպրոսում գտնվող Հունաստանի ստորաբաժանումները շարժվեն դեպի Բոսֆոր և այն վերցնեն թուրքերից»։

Թուրքական աղբյուրները չեն նշում հոդվածը հրապարակած թերթի անունը։

Նշվել է, որ վերջին ժամանակներս Թուրքիան և դաշնակից Հյուսիսային Կիպրոսի ինքնահռչակ թուրքական Հանրապետությունն անօրինական գործողություններ են իրականացնում Կիպրոսի ջրային սահմաններում։ Մասնավորապես իրականացնում են բնական գազի հորատման աշխատանքներ, որը, ըստ հունական կողմի, լիովին ապօրինի է։

Թուրքական լրատվամիջոցը կարծում է, որ հենց գազի հորատման խնդրի պատճառով է այդ հոդվածը հրապարակվել։ Թուրքական մամուլի մի որոշ մասն էլ այդ կոչը որակում է որպես «զավեշտալի»։

Աղբյուր` Haber7

Ermenihaber.am