Թուրքիայում շարունակում են գյուլենական հետք փնտրել զինված ուժերում

Թուրքիայի Կոնիա նահանգի հանրապետական դատախազությունը կալանավորման որոշում է կայացրել զինված ուժերում ծառայություն իրականացնող 70 զինվորների և զինվորականների նկատմամբ։ Նրանք մեղադրվում են գյուլենական համայնքի հետ կապեր ունենալու մեջ։

Վերոնշյալ զինծառայողներին կալանավորելու համար մայիսի 23-ի առավոտյան Թուրքիայի ոստիկանությունը միաժամանակյա գործողություն է սկսել Կոնիա նահանգի 23 շրջաններում։

Հիշեցնենք, որ գյուլենական համայնքը Թուրքիայում համարվում է ահաբեկչական կազմակերպություն: Իսկ վերջինիս առաջնորդ, իսլամի քարոզիչ ամերիկաբնակ միլիարդատեր Ֆեթուլահ Գյուլենը մեղադրվում է 2016 թ. հուլիսին ռազմական հեղաշրջման փորձ նախաձեռնելու մեջ:

Թուրքական իշխանությունները բազմիցս դիմել են ԱՄՆ-ի ղեկավարությանը՝ կոչ անելով արտահանձնել ԱՄՆ-ի Փենսիլվանիա նահանգում բնակվող Գյուլենին, բայց` ապարդյուն:

Աղբյուր`    Dogan

Ermenihaber.am