Բարեւ, Տիգրանակերտ. Կարո Փայլանը հայերենով գրառում է արել Դիարբեքիրում թեկնածու առաջադրվելու մասին

Թուրքիայի քրդական Ժողովուրդների դեմոկրատական (HDP) կուսակցության հայ փոխնախագահ, Ստամբուլից ընտրված պատգամավոր Կարո Փայլանն առաջիկա ընտրություններում պատգամավորի թեկնածու առաջադրվելու հետ կապված` Twitter–ում գրառում է կատարել։

Կարո Փայլանը Twitter–ի իր էջում Դիարբեքիրում պատգամավորի թեկնածու առաջադրվելու հետ կապված երեք լեզվով՝ հայերենով, քրդերենով ու թուրքերենով գրել է. «Բարեւ, Տիգրանակերտ։ Հպարտ եմ, որ Դիարբեքիրում եմ պատգամավորի թեկնածու։ Հաջողություն մեզ»։

Հիշեցնենք, որ Թուրքիայում արտահերթ խորհրդարանական ու նախագահական ընտրությունները տեղի են ունենալու հունիսի 24-ին։  Գործող խորհրդարանի հայ պատգամավորներ Կարո Փայլանը եւ Մարգար Եսայանը կրկին թեկնածուներ են առաջադրվել իրենց կուսակցությունների կողմից, սակայն Սելինա Դողանին չեն առաջադրել։

https://news.am/arm/news/452582.html