Քեմալականների թեկնածուն սպառնում է ամերիկացի զինվորներին վտարել Ինջիրլիքից

Թուրքիայի Ամասիա քաղաքում ընդդիմադիր, քեմալական Ժողովրդահանրապետական կուսակցությունը (ԺՀԿ-CHP) հանրահավաք է կազմակերպել՝ նախագահի թեկնածու Մուհարրեմ Ինջեի մասնակցությամբ։

Ինջեն, ի թիվս այլ հարցերի, խոսել է նաև իսլամի քարոզիչ, ամերիկաբնակ միլիարդատեր Ֆեթուլլահ Գյուլենի արտահանձման հարցի մասին, ում Թուրքիայի ներկայիս իշխանությունները մեղադրում են 2016թ. հուլիսի 15-ի ռազմական հեղաշրջման փորձը կազմակերպելու մեջ։

«Այս ռամազանի օրը խոսք եմ տալիս, որ նախագահի պաշտոնում ընտրվելուց 3 ամիս անց ԱՄՆ-ին ասելու եմ, որ Գյուլենին արտահանձնեն։ Եթե նրան չարտահանձնեն, Ինջիրլիք ռազմաբազայի ամերիկացի զինվորներն Ամանորը կդիմավորեն Վաշինգտոնում»,-ասել է Ինջեն։

Վերջինս խոստացել է նաև նախագահ ընտրվելու պարագայում չեղարկել Թուրքիայում գործող արտակարգ դրությունը։

Աղբյուր`    Haberler

Ermenihaber.am