Գիտաժողով Երեւանի պետական համալսարանին մէջ` «Կրթամշակութային կեանքը Հայաստանի Առաջին Հանրապետութեան տարիներուն» խորագիրով

Երեւանի պետական համալսարանին մէջ սկսաւ «Կրթամշակութային կեանքը Հայաստանի Առաջին Հանրապետութեան տարիներուն» խորագիրով գիտաժողովը` նուիրուած Հայաստանի Առաջին Հանրապետութեան 100-ամեակին եւ Համազգային հայ կրթական եւ մշակութային միութեան հիմնադրութեան 90-ամեակին:

Գիտաժողովի ընթացքին զեկուցումներ պիտի ներկայացուին Հայաստանի Առաջին Հանրապետութեան տարիներուն ձեւաւորուած գրական-մշակութային կեանքին եւ անոր առանձնայատկութիւններուն վերաբերեալ, անդրադարձ պիտի կատարուի գիտութեան եւ կրթութեան ոլորտներուն մէջ պետական քաղաքականութեան հիմքերուն, որոնց շարքին` ձեւաւորուող հանրակրթական համակարգին, բարձրագոյն կրթական օճախներու կազմակերպման եւ անոնց կրթական գործունէութեան:

http://www.aztagdaily.com/archives/393527