Մայիսի 14-ին Թուրքիայի զինծառայողների և զինտեխնիկայի հերթական խումբն ուղարկվել է Սիրիայի Իդլիբ նահանգ: Թուրքիան իր հերթական՝ արդեն 11-րդ «դիտարկման կետն է» ստեղծում Իդլիբի «ապաէսկալացման գոտու» տարածքում: Այս մասին հայտնում է թուրքական «Անադոլու» պետական գործակալությունը:
Նշենք, որ Թուրքիան ընդհանուր առմամբ, նախատեսում է 12 «դիտարկման կետ» ստեղծել Իդլիբի տարածքում: Այդ բազաների մի մասն ստեղծվել են Սիրիայի կառավարական ուժերի վերահսկած տարածքներին հարակից հատվածներում: Վերջին «դիտարկման կետն» ստեղծվել է Իդլիբի հարավային շրջանում՝ Լազիկեի դիմաց:
Թուրքիայի զինուժը Իդլիբում սկսվել է հաստատվել դեռևս 2017-ի հոկտեմբերից: Այդ նահանգում տեղակայելու վերաբերյալ Թուրքիան համաձայնության է եկել Աստանայում Իրանի և Ռուսաստանի հետ: Այս երեք երկրները հանդիսանում են երաշխավորներ Սիրիայում հրադադարի ռեժիմի պահպանման և «ապաէսկալացման գոտիների» ստեղծման համար:
Բացի Իդլիբ նահանգից, Թուրքիայի վերահսկողության տակ են գտնվում նաև Ջերաբլուսից-Ազազ ընկած հատված, որը թուրքական բանակը գրավել է 2016-2017թթ. իրականացրած «Եփրատի վահան» գործողության արդյունքում, և Աֆրինի շրջանը, որն էլ գրավվել է 2018թ. հունվարին սկսված «Ձիթենու ճյուղ» գործողության արդյունքում:
Leave a Reply