Թուրքիայում լույս է տեսնելու սուլթան Աբդուլ Համիդի նախընտրած դեդեկտիվ պատմությունների ժողովածուն

Թուրքիայում հրատարակման է պատրաստվում Օսմանյան պետության հայատյաց և արյունարբու սուլթան Աբդուլ Համիդ Երկրորդի նախընտրած դեդեկտիվ պատմությունների ժողովածուն: Այդ մասին հայտնում է Akunq.net-ը` վկայակոչելով “Gazeteduvar”-ում հրապարակված տեղեկատվությունը:

Ըստ աղբյուրի` հայտնի փաստ է, որ Աբդուլ Համիդ Երկրորդը եղել է դեդեկտիվ պատմությունների սիրահար: Կարմիր սուլթանը ժամանակին թարգմանել է տվել արտասահմանյան պարբերականներում լույս տեսած նմանատիպ պատմությունները և նախքան քուն մտնելը իր ծառաներին հրամայել իր համար ընթերցել դրանք: Դեդեկտիվ ժանրի այդ պատմությունները շուտով կտպագրվեն մեկ ժողովածուով` «Սուլթան Համիդի սիրած դեդեկտիվները» վերնագրի ներքո:

Այդ մոտ 600 դեդեկտիվ պատմվածքներն ու վեպերը հիմնականում եղել են ֆրանսերեն: Սուլթանի հրամանով այդ ժամանակաշրջանում ֆրանսերենից օսմաներեն թարգմանված այդ պատմությունները ներկայում պահպանվում են Ստամբուլի համալսարանի գրադարանում: Դրանք ժամանակակից թուրքերենով կտպագրի «Օթյուքեն» հրատարակաչությունը:

Թուրքական «Հաբերթյուրք» պարբերականի թղթակից Ումրան Ավջըի հետ հարցազրույցում «Օթյուքեն» հրատարակչության խմբագիր Գյոքթյուրք Օմեր Չաքըրը հայտնել է, որ այդ պատմություններից մի քանիսն օսմաներեն էին թարգմանվել տվյալ ժամանակաշրջանի այնպիսի հայտնի գրողների կողմից, ինչպիսիք են Հյուսեին Ջահիթ Յալչընը և Ռըզա Նուրը:

Չաքըրը նաև նշել է, որ սուլթանը սիրում էր «ծանր օրվա սթրեսն ու հոգնածությունը հաղթահարել նման պատմություններ լսելով»: Գրքի խմբագիրը նաև հաղորդել է, որ Աբդուլ Համիդը դեդեկտիվ պատմությունների թարգմանիչներին հրահանգել էր կրճատել վեպերում և պատմվածքներում հանդիպող սիրային թեմատիկան և միայն թողնել դեդեկտիվ ժանրի մանրամասները:

Հարկ է նշել, որ վերջին տարիներին Թուրքիայում ավելացել են օսմանյան դարաշրջանի և, մասնավորապես, 300 հազարից ավելի հայերի մարդասպան Աբդուլ Համիդի հանդեպ կարոտաբաղձությունն ու համակրանքը: Դրա դրսևորումը պետք է համարել նաև ներկայում Թուրքիայի պետական հեռուստատեսությամբ` TRT-ով ցուցադրվող հեռուստասերիալը` Աբդուլ Համիդի վերաբերյալ, որի կերպարն այստեղ ներկայացվում է շատ դրական գույներով, այսինքն` խիստ խեղաթյուրված ձևով:

Մելինե Անումյան

Akunq.net

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

May 2018
M T W T F S S
 123456
78910111213
14151617181920
21222324252627
28293031  

Արխիւ