Թուրքիայի դատարանում ամերիկյան պաստոր Էնդրյու Բրանսոնի գործով վկայություն է տվել գաղտնի վկա, հայտնում է AP-ն։ Նա պնդում է, որ ամերիկացին օգնել է քրդերին «քրիստոնեա–քրդական պետություն» ստեղծելու նպատակով։ Բրանսոնը հերքում է պնդումը՝ հայտարարելով, որ երբեք թույլ չի տվել քաղաքականությանը մուտք գործել եկեղեցի։
Նշենք, որ պաստորի գործը ավելացրել է Անկարայի ու Վաշինգտոնի միջեւ լարվածությունը։ Թուրքական իշխանությունները Բրանսոնին մեղադրում են լրտեսության, Քրդական աշխատավորական կուսակցությանն աջակցելու եւ Ֆեթուլլահ Գյուլենի քարոզիչը լինելու մեջ։ Էրդողանն ակնարկել է, որ պատրաստ է փոխանակել Բրանսոնին Գյուլենի հետ։ Մի շարք ամերիկյան սենատորներ կոչ են արել պատժամիջոցներ սահմանել Թուրքիայի դեմ այս գործով։ Թրամփն էլ իր հերթին, անդրադառնալով այդ թեմային, նշել է, որ ինքն ավելի նման է լրտեսի, քան պաստորը։
Leave a Reply