Թուրքիայում ընդդիմադիր 4 կուսակցություն միավորվել է «Ազգ» դաշինքի մեջ

Թուրքիայի ընդդիմադիր 4 կուսակցություն հունիսի 24-ին կայանալիք արտահերթ նախագահական և խորհրդարանական ընտրություններին կմասնակցի դաշինքով:

Գլխավոր ընդդիմադիր Ժողովրդահանրապետական (CHP-ԺՀԿ) կուսակցությունը, İYİ կուսակցությունը, Դեմոկրատ կուսակցությունը (DP-ԴԿ) և Երջանկություն (SP-ԵԿ) կուսակցությունն ընտրություններին դաշինքով մասնակցելու շուրջ համաձայնության էին եկել դեռ մայիսի 2-ին. արդեն  հայտնել է դարձել, թե դաշինքն ինչ անունով կներկայանա ընտրություններում:

ԺՀԿ-ական պատգամավոր Էնգին Ալթայը հայտնել է, որ դաշինքը կանվանվի «Միլլեթ» (Ազգ):

Ալթայը դաշինքի անվան ընտրության չափորոշիչների մասին խոսելիս նշել է. «Այս դաշինքը ժողովրդավարության, խաղաղության և արդարության դաշինք է, և այն ում համար է, եթե ոչ ազգի: Եվ ամեն ինչ ազգի համար է, մենք էլ քաղաքականությամբ ենք զբաղվում ոչ թե մեզ համար, այլ այն մտայնությամբ, թե ինչ կարող ենք տալ մեր ազգին»:

Նշենք, որ հունիսի 24-ին Թուրքիայում անցկացվելու են նախագահական և խորհրդարանական ընտրություններ: «Միլլեթ» դաշինքի կուսակցությունները նախագահական ընտրություններում հանդես կգան առանձին թեկնածուներով: Եթե նախագահի ընտրություն չհանգուցալուծվի մեկ փուլով, ապա դաշինքի անդամ կուսակցությունները կպաշտպանեն 2 փուլ անցած դաշինքի ներկայացուցչին:

Խորհրդարանական ընտրություններում դաշինքի կուսակցություններից յուրաքանչյուրը պատգամավորների իր թեկնածուներին կառաջադրի, սակայն որոշ տեղերում առավելագույն արդյունք ստանալու համար բոլորը կպաշտպանեն տվյալ տեղում առավել ուժեղ պատգամավորի թեկնածությունը

Աղբյուր`    Demokrathaber

Ermenihaber.am