Թուրքիայում հայտնի է դարձել նախագահի ևս մեկ թեկնածուի անուն

Թուրքիայի ընդդիմադիր քեմալական Ժողովրդահանրապետական կուսակցությունը (ԺՀԿ-CHP) որոշում է կայացրել երկրում հունիսի 24-ին կայանալիք արտահերթ նախագահական ընտրություններին առաջադրել իրենց կուսակցի՝ Յալովայի պատգամավոր 54-ամյա Մուհարրեմ Ինջեի թեկնածությունը։

Այդ մասին հայտարարել է ընդդիմադիր կուսակցության Ստամբուլի պատգամավոր Իլհան Քեսիջին։

Տեղեկացնենք, որ այսօր արդեն պաշտոնապես հայտնի էր դարձել, որ Թուրքիայի իշխող Արդարություն և զարգացում կուսակցությունը (ԱԶԿ-AKP) նախագահական ընտրություններում առաջադրելու է երկրի ներկայիս նախագահ Ռեջեփ Թայիփ Էրդողանի թեկնածությունը։

Ermenihaber.am