Թուրքիայում նախընտրական շրջանում միշտ հարձակումներ են լինում հայկական եկեղեցիների դեմ․ Հայկո Բաղդատ

Ստամբուլահայ լրագրող Հայկո Բաղդատը Twitter-ի իր էջում արձագանքել է Ստամբուլի Սուրբ Թագավոր եկեղեցու դիմաց աղբ թափելու եւ ռասիստական գրառում կատարելու դեպքին։

Հայկո Բաղդատը գրել է․ «Նախընտրական շրջանում հայկական եկեղեցիների դեմ հարձակումները սովորական բան են դարձել։ Մեկին հարցնես, կասի՝ «Էրգենեքոնն» է, մյուսին հարցնես՝ քաղաքական իսլամն է։ Բայց միշտ էլ լինում է․․․»։

Նշենք, որ Ստամբուլի Քադըքյոյ շրջանի Սուրբ Թագավոր եկեղեցու դիմաց անհայտ անձը կամ անձիք աղբ են թափել եւ գրել․ «Էրզրում․ Սա մեր հայրենիքն»։

Դեպքի հետ կապված հետաքննություն է սկսվել։

https://news.am/arm/news/449066.html