Թուրք պրոֆեսոր Թաներ Աքչամն այցելել է Արամ Ա կաթողիկոսին

Մեծի Տանն Կիլիկիո Արամ Ա կաթողիկոսը ապրիլի 28-ին ընդունել է թուրք պրոֆեսոր, Հայոց ցեղասպանության մասնագետ Թաներ Աքչամին:

Մեծի Տանն Կիլիկիո կաթողիկոսությունից հայտնում են, որ հանդիպմանը մասնակցել է Բեյրութի ամերիկյան համալսարանի քաղաքական գիտությունների դասախոս Հովհաննես Կեոքչյանը:

Թաներ Աքչամը Վեհափառ հայրապետին ներկայացրել է Ցեղասպանության մասին հրատարակած իր նոր գիրքը եւ առաջիկա իր ծրագրերը նույն ոլորտում:

Նշենք, որ դոկտոր Թաներ Աքչամը մոտիկից ծանոթ է Արամ Ա կաթողիկոսին: Նա զանազան առիթներով այցելել է Անթիլիասի Մայրավանք եւ Մեծի Տանն Կիլիկիո Կաթողիկոսության Թուրքիայի դեմ բացած Սիսի Կաթողիկոսարանի դատի իրավական յանձնախմբի անդամ է:

http://artsakhpress.am/arm/news/85531/turq-profesor-taner-aqchamn-aycelel-e-aram-a-katoxikosin.html