Ցեղասպանությունը ժխտող Թուրքիայի, Մերձավոր Արեւելքի եւ Եվրոպայի ներկայացուցիչները ամեն կերպ փորձում են խեղաթյուրել պատմությունը` Ցեղասպանությունը ներկայացնելով որպես զուտ «պատերազմի հետեւանք»: Այս մասին ապրիլի 18-ին կոնգրեսում, որտեղ տեղի է ունեցել Հայոց ցեղասպանության զոհերի հիշատակի արարողություն, հայտարարել է ներկայացուցիչների պալատի անդամ Էդ Ռոյսը:
Նրա խոսքով՝ ճշարտությունը վերապահումների հետ կապ չունի, այն անկախ է, անվախ եւ անհաշտելի, եւ այդպիսին պետք է լինի ԱՄՆ-ի վերաբերմունքը Հայոց ցեղասպանության հարցում:
«Այդ պատճառով ես բազմիցս կոչ եմ արել ԱՄՆ վարչակազմին երեւույթներն անվանել իրենց անուններով եւ 1915 թ. բռնությունները պաշտոնապես ճանաչել որպես Հայոց ցեղասպանություն: Այս շաբաթ ես միացա իմ մի քանի գործընկերներին եւ նամակ գրեցի նախագահ Թրամփին, որտեղ կրկին կոչ արեցի նրան հիշատակել «Ցեղասպանություն» բառը ապրիլի 24-ի ելույթում»,-ասել է նա:
Նրա խոսքով՝ ցեղասպանություն կատարած հանցագործները դեռեւս կարծում են, որ մարդկայնության դեմ կատարված նրանց հանցագործությունները անպատիժ կմնան», ինչը եւ մենք տեսանք նախկին Հարավսլավիայում, Ռուանդայում եւ այսօր ԻՊ-ի ձեռքում գտնվող Սիրիայում եւ Իրաքում»:
«Մի քանի տարի առաջ ԱՄՆ-ն ավելի քան 117 մլն դոլար օգնություն տրմադրեց 20-րդ դարի առաջին ցեղասպանությունից հետո ողջ մնացածներին: Փաստացի Հայաստանն ընդունել է ավելի քան 22 հազար փախստականների եւ նրանց ապաստան, բժշկական օգնություն եւ քաղաքացիություն շնորհել: Հետագայում էլ ես աշխատելու եմ Հայոց ցեղասպանության միլիոնավոր անմեղ զոհերի հիշատակը հարգելու ուղղությամբ»:
Leave a Reply