Էրդողանը հայտարարել է Թուրքիայում արտահերթ նախագահական և խորհրդարանական ընտրությունների անցկացման անհրաժեշտության մասին

Թուրքիայի նախագահ Ռեջեփ Թայիփ Էրդողանը հայտարարել է երկրում արտահերթ նախագահական և խորհրդարանական ընտրությունների անցկացման անհրաժեշտության մասին: Այդ մասին հայտնում է «ՌԻԱ Նովոստի»-ն:

Հիշեցնենք, որ նախօրեին թուրքական ազգայնական «Գորշ գայլեր» խմբավորման քաղաքական թևը համարվող Ազգային շարժում կուսակցության առաջնորդ Դևլեթ Բահչելին կոչ է արել երկրի իշխանություններին վաղաժամ նախագահական և խորհրդարանական ընտրություններ կազմակերպել այս տարվա օգոստոսի 26-ին:

Թուրքիայի փոխվարչապետ և կառավարության խոսնակ Բեքիր Բոզդաղը, անդրադառնալով Բահչելիի հայտարարությանը, չէր բացառել իրադարձությունների նման ընթացքն ու նշել էր, որ առաջարկը կարող է քննարկվել համապատասխան մարմիններում:

http://www.tert.am/am/news/2018/04/18/erdogan/2666110