Թուրքիան չկարողացավ առաջընթացի հասնել եւ նույնիսկ հրաժարվում է իր օրենքները ԵՄ չափանիշներին համապատասխանեցնելուց: Այս մասին ասվում է Եվրահանձնաժողովի զեկույցում, որը հետեւում է Բրյուսելի եւ Անկարայի բանակցություններին ԵՄ–ում Թուրքիայի անդամակցության վերաբերյալ, հաղորդում է AP-ն:
Զեկույցում նշվում է, որ Անկարան շարունակում է պայքարել իշխանությունների եւ լրատվամիջոցների քննադատների դեմ եւ «առաջընթաց չի արձանագրել կոռուպցիայի դեմ պայքարում»:
Բրյուսելը կոչ է արել Թուրքիային վերացնել արտակարգ դրության ռեժիմը, որը հայտարարվել էր 2016 թ. հուլիսին հեղաշրջման փորձից հետո: «Լայնածավալ եւ հավաքական բնույթը, ինչպես նաեւ արտակարգ դրության պայմաններում ձեռնարկված միջոցների անհամաչափությունը, ինչպիսիք են մեծ թվով ձերբակալությունները, կալանավորումները, պաշտոնանկությունները, շարունակում են լուրջ մտահոգություններ առաջացնել»:
Leave a Reply