Թուրքիա տակաւին չէ կողմնորոշուած` Սուրիոյ դէմ հնարաւոր յարձակումին պիտի աջակցի՞, թէ ոչ

Թուրքիան տակաւին չէ կողմնորոշուած, թէ արդեօք պիտի աջակցի՞ Միացեալ Նահանգներուն կողմէ Սուրիոյ դէմ հնարաւոր ռազմական գործողութեան, թէ ոչ: Թրքական «Տիքեն» կայքը կը հաղորդէ, որ երէկ այս մասին յայտնած է Թուրքիոյ արտաքին գործոց նախարարութեան բանբեր Համի Աքսոյ:

Պատասխանելով լրագրողներէն մէկուն այն հարցումին, թէ Միացեալ Նահանգներու կողմէ Սուրիոյ դէմ հնարաւոր հրթիռային յարձակումին ժամանակ Թուրքիան պիտի աջակցի՞ այս գործողութեան, Աքսոյ ըսած է. «Տեսնենք, տեսնենք, թէ ինչ ցոյց պիտի տան զարգացումները»:

Ան աւելցուցած է, թէ 7 ապրիլին սուրիական Տումա քաղաքին մէջ ենթադրեալ քիմիական յարձակումին ետին, Թուրքիոյ կարծիքով, կանգնած են Սուրիոյ իշխանութիւնները:

http://www.aztagdaily.com/archives/389803