Կարո Փայլանը դատապարտել է գյուղացիների փողով «Դողան» հոլդինգի գնման փաստը

Թուրքիայի խորհրդարանի հայ պատգամավոր Կարո Փայլանը անդրադարձել է թուրքական մեդիա հսկա «Դողան» հոլդինգի վաճառքին։

Կարո Փայլանը Twıtter–ի իր էջում տեղադրել է հրապարակում այն մասին, որ «Դողան» հոլդինգը գնվել է 700 մլն դոլարով, որը որպես վարկ է վերցվել Գյուղատնտեսական բանկից։

«Գյուղատնտեսական բանկը գյուղացիներին աջակցելու համար է ստեղծվել։ Այդ գումարով միլիոնավոր գյուղացիների կարելի էր ֆինանսապես աջակցել»,–գրել է Կարո Փայլանը։

Նշենք, որ օրեր առաջ թուրքական հայտնի լրատվամիջոցներ ներառող «Դողան» հոլդինգը ստիպողաբար վաճառել են այլ ընկերության։

«Դողան» հոլդինգի մեջ են մտնում Hürriyet–ը, Kanal D–ն եւ CNN Türk–ը, ինչպես նաեւ` այլ մեդիա նախագծեր։

https://news.am/arm/news/445325.html