Թուրքիան և ՌԴ-ը բանակցում են սիրիական Թել Ռիֆաթում թուրքական ԶՈւ-ի կողմից իրականացվելիք ռազմական գործողության շուրջ. Էրդողանի խոսնակ

Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընը հայտարարել է, որ Ռուսաստանն ու Թուրքիան արդեն բանակցում են սիրիական Թել Ռիֆաթում թուրքական ԶՈւ-ի կողմից իրականացվելիք ռազմական գործողության մանրամասների շուրջ:

Ինչպես գրում է թուրքական Diken.com.tr կայքը, Քալընը նշել է, որ եթե քրդական զինված ջոկատներն ինքնակամ լքեն տարածքը, ռազմական գործողության կարիք այլևս չի լինի:

Ավելի վաղ Թուրքիայի փոխվարչապետ և կառավարության խոսնակ Բեքիր Բոզդաղը հայտարարել է, որ թուրքական ԶՈւ-ը նպատակ ունի դուրս մղել քուրդ զինյալներին սիրիական Թել Ռիֆաաթ շրջանից:

Հիշեցնենք, որ Անկարայում տեղի ունեցած եռակողմ հանդիպմանը Թուրքիայի նախագահ Ռեջեփ Թայիփ Էրդողանն առաջարկել է հատուկ անվտանգության գոտի ստեղծել Սիրիայի հյուսիսում՝ սիրիացի փախստականների վերադարձի համար:

Նա նաև շեշտել է, որ ռուս և իրանցի գործընկերներ Վլադիմիր Պուտինի ու Հասան Ռոհանիի հետ իրենք քննարկում են սիրիական Թել Ռիֆաաթ շրջանում նման աշխատանքներ սկսելու հնարավորությունը:

http://www.tert.am/am/news/2018/04/08/syrian-conflict/2657538