Հայ եւ հույն ծնողներ ունեցող երգիչը հպարտացել է իր թուրքականությամբ, սակայն չի մոռացել կոտորված հայերին

Թուրքական TRT–ով առաջին հունարեն երգը կատարած Ֆեդոնն իրարամերժ հայտարարություններ է արել թուրքական Posta պարբերականի լրագրողի հետ զրույցում։

Հայ մայր եւ հույն հայր ունեցող Ֆեդոնը հարցազրույցի ժամանակ պատմել է, որ ժամանակին իրեն շատ դժվար է եղել ապրել Թուրքիայում, քանի որ իր ծնողները քրիստոնյաներ են եղել։ Ֆեդոնը պատմել է իր նկատմամբ խտրականությունների մասին՝ շեշտելով, որ շատ են ասել. «Գյավուր, հեռացի՛ր»։

Սակայն դրանով հանդերձ, Ֆեդոնը նշել է, թե հպարտանում է իր թուրքականությամբ, սակայն չի մոռանում հայերի կոտորածները։ «Ցավոք, գիտենք, թե հայերը ինչեր են քաշել։ Ինչպես է հայերի արյունը գետի պես հոսել»,–ասել է Ֆեդոնը։

https://news.am/arm/news/444189.html