Թուրքական իշխանությունների օգնությամբ կրկին փոխպատրիարք նշանակված արք․ Աթեշյանի դեմ բողոքի ակցիաները տարածվել են փողոցներում պաստառների տեսքով։
Ինչպես տեղեկացնում է Ստամբուլի հայկական «Ակoս»-ը, Ստամբուլի Ֆերիգյուղ եւ Քուրթուլուշ թաղամասերի փողոցներում պատերին ու սյուներին փակցված պաստառների միջոցով բողոք են հայտնում արք․ Աթեշյանի անօրինական նշանակման դեմ։
Ստամբուլի ոստիկանությունը պաստառների փակցման հետ կապված արդեն հետաքննություն է սկսել եւ սյուների ու պատերի մոտակայքում գտնվող անվտանգության տեսախցիկների ֆիքսած տեսագրություններ է ուսումնասիրում։
Այս հարցի հետ կապված` ստամբուլահայ իրավաբան Սեպուհ Ասլանգիլը նշել է, թե փակցված պաստառները հանցանք չեն պարունակում, եւ ոստիկանությունը չի կարող հանցակազմ գտնել փակցնողների արարքներում։
Leave a Reply