Լոս Անջելեսի Կենտրոնական գրադարանում կբացվի երկու ցուցադրություն՝ հիմնված Հայոց ցեղասպանության վերապրածների սերունդների ժառանգած տրավմայի կոնցեպտի վրա: Այս մասին հայտնում է Los Angeles Times-ը:
Հիմնական ցուցադրությունում ներկայացված են յոթ արտիստի աշխատանքներ (լուսանկարներ, հուշատետրեր, ձեռագործ), ովքեր ուսումնասիրում են իրենց կապերը Հայոց ցեղասպանության հետ՝ վերաիմաստավորելով ժառանգած արտեֆակտները:
Հավաքածուները ոգեշնչված են գրականագետ Մարիանե Հիրշի «պոստ-հիշողության» թեորիայից, որը հիմված է այն գաղափարի վրա, թե ինչպես են Հոլոքոստը վերապրածների երեխաները հաղթահարում ժառանգած տրավման:
Երկրորդ ցուցահանդեսը կրում է «Բարգավաճում, կորուստ, վերապրում. լուսանկարչական ճամփորդություն Դիլդիլյան ընտանիքի արխիվից» խորագիրը: Մարտի 24-ին բացվող այս ցուցահանդեսում ներկայացված են լինելու Դիլդիլյան ընտանիքի արխիվում պահվող հուշագրությունները և լուսանկարները, որոնք արվել են Հայոց ցեղասպանությունից առաջ:
Armenpress.am
Leave a Reply