Թուրքիայի նախագահի մամուլի խոսնակ Իբրահիմ Քալընը կոչ է արել ԱՄՆ–ին քայլեր ձեռնարկել՝ զսպելու քրդերին, որոնք շարունակում են մարտեր մղել Թուրքիայի զինուժի հետ։
Մանբիչը գտնվում է Սիրիայի քրդական ուժերի վերահսկողության տակ, որոնց պաշտոնական Անկարան ահաբեկչական է համարում։
Քալընը նշել է, որ իրենք խորապես անհանգստացաած են այն լուրերից, ըստ որոնց՝ Մանբիչի քրդերը պատրաստվում են լրացուցիչ ուժեր ուղարկել Աֆրին։
«Թուրքիան ակնկալում է, որ ԱՄՆ-ն կկանխի Մանբիչից դեպի Աֆրին քրդերի տեղաշարժը։ Այդ սպասելիքը Թուրքիայի բնական իրավունքն է։ Երկու շաբաթ առաջ Հալեպից Սիրիայի կառավարական ուժերի հետ կապ ունեցող խմբավորումները փորձեցին մտնել Աֆրին, սակայն նրանք ձախողվեցին։ Կարծում եմ, որ պետք է Սիրիայի քուրդ ահաբեկիչները դասեր քաղեն»,-ասել է Քալընը։
Ermenihaber.am
Leave a Reply