Ամերիկյան հեռուստատեսային ցանցը Հայոց ցեղասպանության մասին ֆիլմ է ձեռք բերել

Starz ամերիկյան հեռուստատեսային ցանցը ութ էքսկլյուզիվ վավերագրական ֆիլմ է ձեռք բերել, այդ թվում նաեւ՝ Հայոց ցեղասպանության մասին «Կործանելու մտադրությունը» ֆիլմը:

Starz-ի գնումների բաժնի ղեկավար Բրետ Մարոտոլիի խոսքով՝ ընկերությունը փաստավավերագրական ֆիլմեր է ձեռք բերել, որոնք ոչ միայն համապատասխանում են իրենց ընկերության ռազմավարությանը, այլեւ հետաքրքիր թեմաներ, սադրիչ հակամարտություններ եւ իրական պատմություններ են ներկայացնում, փոխանցում է News.am-ը:

Հիշեցնենք, որ «Կործանելու մտադրություն» ֆիլմը նկարահանվել է ռեժիսոր Ջո Բեռլինգերի կողմից: Ֆիլմում ներկայացված են նրա` պատմաբանների եւ գիտնականների հետ հարցազրույցները Հայոց ցեղասպանության եւ Թուրքիայի կողմից ժխտողական քաղաքականության մասին: Ֆիլմի պրեմիերան նախատեսված է 2018 թ. ապրիլի 23-ին:

http://artsakhpress.am/arm/news/82221/amerikyan-herustatesayin-cancy-hayoc-cexaspanutyan-masin-film-e-dzerq-berel.html