Թուրք-քրդական նոր բախումներ Աֆրինում

Թուրքիայի կողմից Սիրիայում իրականացվող «Ձիթենու ճյուղ» ռազմական օպերացիայի շրջանակներում թուրք–քրդական նոր բախումներ են տեղի ունեցել: 

Թուրքական «Ihlas» լրատվական գործակալության համաձայն՝ Աֆրինում Սիրիայի քրդական ուժերի հարձակման հետևանքով 5 թուրք զինվոր է վիրավորվել, 5 հոգի էլ վիրավորվել է «Սիրիայի ազատ բանակ» խմբավորումից: Վերջինս «Ձիթենու ճյուղ» գործողությունում հանդիսանում է պաշտոնական Անկարայի դաշնակիցը:

Բախումները տեղի են ունեցել Աֆրինի Բուրսեյա և Դարմըք լեռների միջև ընկած տարածքում: Նախօրեին էլ Աֆրինում Թուրքիայի բանակը կորուստներ էր տվել: Քուրդ գրոհայինների հարձակման հետևանքով սպանվել էր 2 թուրք զինվոր:

 https://shabat.am/am/article/167781/Turq-qrdakan-nor-bakhumner-Afrinum