Թուրքիայում շարունակվում են քրեական հետապնդումները քրդամետ գործիչների նկատմամբ

Թուրքիայի ոստիկանությունը Ստամբուլում գործողություն է իրականացրել ընդդիմադիր քրդամետ Ժողովուրդների դեմոկրատական կուսակցության (ԺԴԿ-HDP) անդամների դեմ:

Ըստ թուրքական «Demokrathaber» լրատվամիջոցի՝ գործողության արդյունքում ձերբակալվել է 11 մարդ, որոնք հանդիսանում էին HDP-ի և վերջինիս թևերից մեկի՝ Ժողովուրդների դեմոկրատական կոնգրեսի (ԺԴԿ-HDK) անդամներ:

Ձերբակալվածների մեջ է նաև Թուրքիայի «Ազատականների ժողովրդավարություն» թերթի լրագրող Փընար Թարլաքը:

Աղբյուրը նկատել է տալիս, որ ձերբակալությունները տեղի են ունեցել փետրվարի 11-ին կայանալիք HDP-ի կոնգրեսից առաջ:

Թե որն  է եղել ձերբակալման պատճառը` առայժմ հայտնի չէ:

Ermenihaber.am