Որտե՞ղ է Քուրդիստանը. թուրք դատավորը հարցրել է համշենահայ մտավորականին

Թուրքիայում «ահաբեկչական կազմակերպության քարոզչության» մեղադրանքով ձերբակալված այնուհետ ստորագրությամբ ազատ արձակված համշենահայ Ջեմիլ Աքսուի եւ դատավորի միջեւ Քուրդիստանի վերաբերյալ հետաքրքիր զրույց է տեղի ունեցել։

Թուրքական Diken–ի փոխանցմամբ՝ Թուրքիայում դատական նիստի ժամանակ համշենահայ մտավորական Ջեմիլ Աքսուն հայտարարել է, թե ֆեյսբուքում իր գրառման մեջ ահաբեկչական կազմակերպության գովք չկա։

Դատարանը հետաքրքրվել է, թե ֆեյսբուքում նրա գրառման մեջ հիշատակված «Քուրդիստանը» որտեղ է։ «Քուրդիստանը ոտքից գլուխ արյան մեջ է։ Անհետ կորածներ, ձերբակալություններ, սպանություններ եւ բռնագաղթ։ Այս ամենը ձեր գրած տեքստում է։ Կասեք ձեր նշած Քուրդիստանը որտե՞ղ է։ Իրաքո՞ւմ է, թե՞ Սիրիայում»,–հարցրել է դատավորը։

Ջեմիլ Աքսուն պատասխանել է, որ տեքստում հիշատակվածը Թուրքիայում է։

Դատարանը նիստը հետաձգել է։ Հաջորդ նիստը տեղի է ունենալու 2018–ի փետրվարի 16–ին։

Նշենք, որ ֆեյսբուքի գրառման համար 2017–ի հոկտեմբերին ձերբակալվել էին Ջեմիլ Աքսուն եւ նրա կինը։ Ձերբակալությունից 2 ամիս անց նրանք ազատ են արձակվել։

https://news.am/arm/news/434768.html