Քրդերը հայտնել են, որ Թուրքիայի պատճառով չեն մասնակցելու Սոչիի կոնգրեսին

Ինքնահռչակ «Սիրիայի հյուսիսային համադաշնության» ներկայացուցիչները հայտարարել են, որ Թուրքիայի դիրքորոշման պատճառով հրավեր չեն ստացել ՝ մասնակցելու Սոչիում հունվարի 30-ին կայանալիք սիրիական ազգային երկխոսության կոնգրեսին: Այս մասին հայտնում է «ՌԻԱ Նովոստի»-ն:

«Քրդերը չեն կարողանա մասնակցել Սոչիի կոնգրեսին ոչ թե այն պատճառով, որ հրաժարվում են դա անել, այլ, որ մինչ օրս Ռուսաստանից հրավեր չեն ստացել: Ռուսաստանը մեր ղեկավարությանը հրավեր չի ուղարկել»,- «ՌԻԱ Նովոստի»-ին ասել է «Սիրիայի հյուսիսային համադաշնության» ներկայացուցիչը:

Ավելի վաղ Ռուսաստանի ԱԳՆ մամուլի խոսնակ Մարիա Զախարովան հայտարարել էր, որ քրդերը մասնակցելու են կոնգրեսին՝ չհստակեցնելով, թե որ կազմակերպություններից ու կառույցներից:

«Սիրիայի հյուսիսային համադաշնություն»-ից հայտնել են, որ քրդական կողմի ներկայացրած ցուցակը, որը ներկայացվել էր նախքան Աֆրինում Թուրքիայի կողմից ռազմական գործողությունների մեկնարկը, ամբողջությամբ բացառվել էր Անկարայի կողմից:

http://www.1in.am/2287350.html