Թուրքիայի ՌԾՈՒ-ն հունական նավերին թույլ չի տվել մոտենալ վիճելի կղզիներին

Հունվարի 28-ին Թուրքիայի ՌԾՈՒ–ն Հունաստանի առափնյա պահպանության մոտորանավին եւ պարեկային նավին թույլ չի տվել Էգեյան ծովում մոտենալ վիճելի կղզի Իմիային (Կարդաք), նշված է Թուրքիայի ԶՈՒ գլխավոր շտաբի հաղորդագրության մեջ:

Նշվում է, որ Թուրքիայի ԶՈՒ-ն կշարունակի «երկրի շահերը պաշտպանել միջազգային իրավունքի շրջանակում»:

1996 թ. Էգեյան ծովում Իմիայի 2 ժեռուտ կղզիների՝ տարածքային պատականելության մասին վեճը Հունաստանի եւ Թուրքիայի հարաբերություններում ճգնաժամի էր հանգեցրել: Հակամարտությունը դադարեցվել էր միջազգային հանրության, ՆԱՏՕ-ի եւ ԱՄՆ միջամտությունից հետո:

https://news.am/arm/news/433453.html