Թուրքիայի նախագահ Ռեջեփ Թայիփ Էրդողանի մամլո խոսնակ Իբրահիմ Քալընը Twitter-ի իր էջում շնորհակալություն է հայտնել Աֆրինում քրդերի դեմ Թուրքիայի սկսած «Ձիթենու ճշյուղ» գործողությանն աջակցություն հայտնելու համար: Այդ մասին, ըստ Akunq.net-ի, հաղորդում է թուրքական «Աքշամ» պարբերականը:
Աղբյուրի համաձայն` Իբրահիմ Քալընը մասնավորապես գրել է. «Համայնքային հիմնադրամները, Պոլսո հայոց պատրիարքարանն ու Թուրքիայի հրեական համայնքը մեր բանակի և պետության կողքին են: Միասնականության այդ ոգին մեր ամենամեծ ուժն է: Շնորհակալ ենք նրանց»:
Քալընն իր թվիթերյան էջում նաև հրապարակել է Պոլսո հայոց պատրիարքարանի հայտարարության լուսանկարը:
Հիշեցնենք, որ Աֆրինի գործողության մասին իր hայտարարության մեջ պատրիարքությունն աջակցությունն էր հայտնել սկսված գործողությանն ու նշել, որ կաղոթեն «խաղաղության և հանգստության համար, որի կարիքն այդքան ունի մարդկությունը»:
Akunq.net
Leave a Reply