«Քեզի պիտի չմոռնանք». «Ժողովուրդներու ժողովրդավարական կուսակցութիւնը հայերէն պաստառ տեղադրած է Տինքի սպանութեան վայրը

Այսօր կը լրանայ Պոլսոյ «Ակօս» թերթի խմբագիր Հրանդ Տինքի սպանութեան 11-րդ տարելիցը: Այդ առիթով, ինչպէս ամէն տարի, այսօր բազմաթիւ ձեռնարկներ տեղի պիտի ունենան Պոլսոյ մէջ:

Քրտամէտ Ժողովուրդներու ժողովրդավարական կուսակցութիւնը այս տարի նոյնպէս պիտի այցելէ Տինքի սպանութեան վայրը` «Ակօս» թերթի նախկին շէնքին դիմաց:

Համացանցի վրայ հրապարակուած է նաեւ ձեռնարկներու շրջագիծին մէջ Ժողովուրդներու ժողովրդավարական կուսակցութեան տեղադրած եռալեզու պաստառը, որուն վրայ գրուած է նաեւ հայերէն` «Քեզի պիտի չմոռնանք» գրութիւնը: Պաստառը տեղադրուած է Տինքի սպանութեան վայրը:

http://www.aztagdaily.com/archives/379915